வைரமுத்து.வலை

கவிப்பேரரசை வாசிக்கவும் நேசிக்கவும்...

  • Increase font size
  • Default font size
  • Decrease font size

கவிப்பேரரசு அவர்களின் வாசக நெஞ்சங்களை  அன்புடன் வரவேற்கின்றோம்.


இவ்விணைய தளத்தைப் பற்றிய உங்கள் கருத்துக்கள், ஆலோசனைகள், செய்யப் படவேண்டிய திருத்தங்கள், சட்ட ரீதியான ஆலோசனைகள் ஆகியவற்றை அன்புடன் எதிர்பார்க்கின்றோம்.


இவ்வலைத்தளத்தின் வளர்ச்சியில் பங்குபெற பணிவன்புடன் வேண்டிக் கொள்கிறோம். வாசகர்கள் தங்களிடம் உள்ள கவிப்பேரரசு அவர்களின் அரிய புகைப்படங்கள்,ஒலி/ஒளி காட்சிகள்,நாளிதழ் மற்றும் மாத இதழ்களில் வெளிவந்த பேட்டிகள், செய்திகள் போன்றவற்றின் நகல்களை அனுப்பி, இவ்வலைத் தளத்தை முழுமை பெற உதவுமாறு அன்புடன் வேண்டுகிறோம்.

மேலும், கவிப்பேரரசு அவர்களைப் பற்றிய நூல்கள், படைப்புகளின் மீதான திறனாய்வு நூல்கள், பல்கலைக் கழக ஆய்வேடுகள், மொழிபெயர்ப்பு விவரங்கள், கட்டுரைகள்  உள்ளிட்ட தகவல்களை அனுப்பி உதவுமாறு அன்புடன் வேண்டுகிறோம்.

மேலும் வைரமுத்து அவர்கள் பங்கு பெரும் நிகழ்சிகள், அவரைப் பற்றிய கருத்தரங்குகள், விழாக்கள், சந்திப்புகள் போன்றவற்றின் அறிவுப்புகள் ஆகியவற்றை இவ்வலைத்தளத்தில் வெளியிட்டு  பயன்பெறுமாறு அன்புடன் வேண்டிக் கொள்கிறோம்.


தொடர்புக்கு: This e-mail address is being protected from spambots. You need JavaScript enabled to view it

 


செய்திக் கீற்று

இந்தியாவை ஒன்று சேர்க்க முடியாது

 

"அரசியல், வணிகம் போன்றவற்றால் இந்தியாவை ஒன்று சேர்க்க முடியாது" என சென்னையில் நடந்த கவியரங்கம் ஒன்றில் பேசும் போது கவிஞர் வைரமுத்து குறிப்பிட்டுள்ளார்.

இந்திய ஒலி-ஒளிபரப்பாளர் சங்கம்,​​ சென்னை எஸ்.பி.ஐ.​ ஆகியவற்றின் சார்பில் "பொன்னொளிர் பாரதம்" என்ற தலைப்பில் தேசிய கவியரங்கம் சென்னை வானொலி நிலையத்தில் செவ்வாய்க் கிழமை (09/02/2010) நடைபெற்றது. இக்கவியரங்கத்துக்குத் தலைமையேற்று கவிஞர் வைரமுத்து பேசும் போது, "தாய் மொழி கண் போன்றது.​ பிற மொழிகள் கண்ணாடி போன்றவை.​ கண் இல்லாமல் கண்ணாடிக்குப் பயனில்லை.​ மொழிகள் வேறாக இருந்தாலும்,​​ அவற்றுக்குள் ஒரு ஒற்றுமை இருப்பதை கவிஞர்கள் வாசித்த கவிதைகள் மூலம் அறிய முடிகிறது. அரசியல்,​​ மதம்,​​ வணிகம் போன்றவற்றால் இந்தியாவை ஒன்று சேர்க்க முடியாது.​ மொழியால் மட்டுமே முடியும்" என்று கூறினார்.

கவிஞர்களை, படைப்பாளிகளை வாழும் போதே கவுரவித்து ஊக்கப்படுத்த வேண்டும். அதே வேளையில், எழுத்தாளர்கள், கவிஞர்கள் எந்த நிலையிலும் பொய் எழுதக் கூடாது. நெஞ்சில் இருந்து வரும் உண்மைகளை எழுதுங்கள். பெயர், புகழுக்காக எதையும் எழுதாதீர்கள். பெங்களூரில் தமிழ் கவிஞர்கள், எழுத்தாளர்கள், அறிஞர்கள் அடங்கிய மாநாடு ஒன்றை நடத்த வேண்டும். அந்த மாநாட்டுக்காக நானே முன் நிற்கிறேன். தமிழகத்தில் ஒரு பழமொழி உண்டு. அது என்னவென்றால், தை மாதம் பிறந்தால் வழி பிறக்கும் என்பார்கள். அதன்படி தை மாதத்துக்கு பிறகு இந்த மாநாட்டை நடத்துவோம் என்றார்.