வைரமுத்து.வலை

கவிப்பேரரசை வாசிக்கவும் நேசிக்கவும்...

  • Increase font size
  • Default font size
  • Decrease font size
ஆய்வுக் கட்டுரைகள்
வணக்கம் அன்பர்களே!

உலகெங்கிலும் உள்ள கவிப்பேரரசு அவர்களின் வாசகர்கள் ஒன்று கூடி மகிழவும் ,கவிப்பேரரசு அவர்களின் படைப்புகள், படைப்புகளின் மீதான விமர்சனங்கள், விவாதங்கள், ஆராய்ச்சிகள் என விரியும் இலக்கிய தேடல்களுக்குமான வலைத்தளம் இது.

வெறும் பிரபலப்  பாடலாசிரியர் என்று  ஊடகங்களால் உருவாக்கப்பட்ட மாயத்திரை விலக்கி, அவரது பன்முகப் பரிமாணத்தை, இலக்கியத்தின் மகத்துவத்தை,மனிதநேய மாண்பை, உழைப்பால் உயர்ந்த தனிமனித  ஆளுமைத் திறனை உலகெங்கும் எடுத்துச் செல்வதன் மூலம் , வரும் தலைமுறைகளுக்கு இந்த  வழிகாட்டி ஆளுமையை அறிமுகம் செய்து வைப்பதை எமது கடமையாய்க் கருதுகிறோம்.

கவிப்பேரரசு அவர்களின் படைப்புகளை பாரறியச் செய்து, அவை உலகின் எந்த மொழிப் படைப்புகளோடும் போட்டியிட்டு வெல்லக் கூடியவை என்பதை பறைசாற்றுவதே எமது நோக்கம்.

கவிப்பேரரசு படைப்புகள் மீதான விமர்சனங்கள், விவாதங்கள் , தனிநபர்  திறனாய்வுகள் , பல்கலைக்கழக ஆய்வுகள், மொழிபெயர்ப்புகள் போன்றவற்றை ஒருங்கிணைப்பதன் மூலம், அம்முயற்சிகள்  ஒரே இடத்தில் தேங்க விடாமல் அடுத்த கட்ட நகர்வுக்கு எடுத்துச் செல்ல இவ்வலைத் தளம் உறுதுணையாய் இருக்கும்.

தமிழின் தவப்புதல்வரின், இந்நூற்றாண்டின் இணையற்ற மனிதரின் புகைப்படங்கள்,ஒலி/ஒளிக் கோப்புகள் மற்றும் ஊடகச் செய்திகள் போன்றவற்றை இணையத்தில் பாதுகாக்கும் இணைய ஆவணக் காப்பகமாகவும் இந்த வலைத் தளம் செயல்படும்.

தமிழிணையத்தின் புதிய தொழில் நுட்பங்களை பயன்படுத்துவான் மூலம் இணையத் தமிழ் வளர்ச்சிக்கும் இவ்வலைத்தளம் முக்கியப் பங்காற்றும்.

இவ்வலைத் தளத்தின் வளர்ச்சியில் பங்குபெற, கவிப்பேரரசின் இலக்கியக் கடலில் மூழ்கி முத்தெடுக்க அனைவரையும் அன்புடன் வரவேற்கின்றோம்.



 


செய்திக் கீற்று

என் தம்பி வைரமுத்து

"என் தம்பி வைரமுத்து' கவிப்பேரரசு வைரமுத்துவின் நூல் வெளியீட்டு விழாக்களில், முதலமைச்சராகவும், மூத்த சகோதரராகவும் விளங்கும் கலைஞரின் சொற்பொழிவுகள் அடங்கிய தொகுப்பு. என்றாலும், இவை சொற்பொழிவுகளாக மட்டும் இல்லாமல் 1989ல் "எல்லா நதியிலும் என் ஓடம்' தொடங்கி 2007ல் "கருவாச்சி காவியம்' வரை கவிஞர் வைரமுத்து எழுதிய கவிதைகள், நாவல் கள், மொழிபெயர்ப்புகள், விமர்சனங்கள் ஆகியவற்றைப் பற்றிய கலைஞரின் திறனாய்வுகளின் தொகுப்பு என்று தான் சொல்ல வேண் டும். இடைப்பட்ட 20 ஆண்டுகளில், கலைஞரின் வாசிப்பு அனுபவங்களின் விகசிப்பும் கவிஞரின் படைப்பாக்கத்தின் பரிணாமங்களும் இத்தொகுப்பு மூலம் வெளிப்படுகின்றன.

"இந்தப் பூக்கள் விற்பனைக்கல்ல",

"தண்ணீர் தேசம்",

"தமிழுக்கு நிறம் உண்டு",

"பெய்யெனப் பெய்யும் மழை",

"வைரமுத்து கவிதைகள்",

"கள்ளிக்காட்டு இதிகாசம்' உள்ளிட்ட பதினொரு விழாக்கள், பதினைந்து நூற்கள், பத்தொன்பது வருடங்கள் இருவரது இலக்கியப் பயணத்தின் வேகமும் வீச்சும் ஆர்வமும் ஆழமும் இதனால் தெரிய வருகின்றன. சினிமா ஒரு சந்தை, இதற்குள்ளே தமிழ் செய்ய முடியாது என்பதில் இருவருக்கும் இருவேறு கருத்துக்கள் இல்லை. அத்துடன் சந்தைக்கு வெளியே தமிழ் செய்ய முடியும் என்றும் இருவருமே நம்புகின்றனர். நம்புவதோடு நற்றமிழுக்கும் நல்ல பல வினைகளைத் தொடர்ந்து செய்து வருகின்றனர். கலைஞர் தமிழைச் "செம்மொழி' ஆக்கினார் என்றால் கவிஞரோ தமிழைச் "செழும் மொழி' ஆக்கி வருகிறார். கலைஞரிடம் கவிஞனாக அறிமுகமாகிக் கவிப்பேரரசாக வளர்ந்த, வாழ்ந்த வரலாறு இதில் உள்ளது.

"பெய்யெனப் பெய்யும் மழை' நூல் வெளியீட்டு விழா'

முதலமைச்சராக இருக்கும் போதும் வருகிறார்; முதலமைச்சர் பதவி பறிக்கப்பட்ட காலங்களிலும் வருகிறார்

"ஒரு போர்க்களமும் இரண்டு பூக்களும்',

"காவி நிறத்தில் ஒரு காதல்',

"இந்தக் குளத்தில் கல்லெறிந்தவர்கள்' உள்ளிட்ட ஐந்து நூல்களின் வெளியீட்டு விழா சென்னை என்றாலும் வருகிறார்; மதுரை என்றாலும் வருகிறார்; தனியாக வரச் சொன்னாலும் வருகிறார் ("தமிழுக்கு நிறம் உண்டு' விழா); ஓ.... எவ்வளவு இணக்கம், எத்துணை ஈடுபாடு இருவருக்கும். கலைஞரின் அணுகுமுறை அல்லது ஆய்வு முறை என்பது ரசானுபவம் தான், ரசானுபவம் என்றாலும் பொருத்தம் தான்.  நல்ல ரசிகர்கள் தான் நல்ல விமர்சகராகவும் இருக்க முடியும் என்பதற்குக் கலைஞரின் சொற்பொழிவுகளே சான்றுகள். பாற்கடலைப் பழைய பனை ஓலைகளாலேயே கடைந்து இலக்கிய அமுதங்களைப் பரிமாறும் புதிய பரந்தாமனாயிற்றே கவிஞர் வைரமுத்து. இரட்டை நாயனங்களின் இன்பமும் இரு தண்டவாளங்களின் இணைவும் இவர்களிடையே இயைந்திருக்கும். அண்ணனுக்கேற்ற தம்பி; தலைவருக்கு ஏற்ற நம்பி. இந்நூலில், "இங்கிவரை யான்பெறவே' என்ற கலைஞரைப் பற்றிய கவிஞரின் முன்னுரை ஒரு திலகம். என்ன சொல்ல? இருவரையும் ஒருவரோடு ஒருவர், ஒருவருக்காக ஒருவர், ஒருவரால் ஒருவர். எவ்வளவோ சொல்லவேண்டும்! என்றாலும் ஒன்று சொல்லத் தோன்றுகிறது. கலைஞரும் ஒரு கவிஞர்; கவிஞர்களை வளர்த்தெடுக்கும் கவிஞர். ஆனால், கவிப்பேரரசு அவர்களே, தமது 85 வயதில் 70 ஆண்டு இலக்கியப் பயணத்தில், எத்தனையோ கவிஞர்களைக் கடந்து வந்த கலைஞர் ஒரே ஒரு கவிஞரைப் பற்றி இத்தனை ஆழமாக, விரிவாக, செறிவாக யாரையுமே கொண்டாடியதுமில்லை. பதிவு செய்ததுமில்லை. அது உங்களுக்கு வாய்த்திருக்கிறது. உங்கள் இலக்கிய வரலாற்றில் யாருமே தொட முடியாத சிகரம் தான் இது.